rone ke liye jarurat nahi padti

main bahut der tak sochti rahi
unke baare main
jo badal gaye the mousam ki tarah.
fir uth baithi main
aur tahalne nikal padi
der raat tak chalti rahi
andhere main
bilkul khamosh
sir jhukaye huye.
aur ek kutta achanak chup ho gaya
jo ro raha tha
unchi awaj main sir uthaye huye.
ek hi pal main
vo samajh gaya ki
rone ke liye jarurat nahin padti
uoonchi awaj ki
aur na kisi kone ki.
shayad usne dekh liya tha
meri un khaosh ankho ko
jo bah rahi thi chupchap.....